Bokstan Álem chempıonaty: Vıktorııa Grafeeva 1/8 fınalda anglııalyq qarsylasynan basym tústi

ASTANA. KAZINFORM — Anglııanyń Lıverpýl qalasynda World Boxing aıasynda ótip jatqan álem chempıonatynda Qazaqstan quramasynan Vıktorııa Grafeeva (60 keli) shırek fınalǵa shyqty.

Ol 1/8 fınalda anglııalyq Lıýsı Kıngs-Ýıtlımen qolǵap túıistirdi. Jekpe-jek barysynda barlyq raýnd Vıktorııanyń basymdyǵymen aıaqtaldy. Nátıjesinde ol jarysty jalǵastyrýǵa múmkindik aldy.

Endi 10 qyrkúıek kúni Grafeeva ¼ fınal aıasynda Sıtora Týrdybekovamen (Ózbekstan) kúsh baıqasady.

Sondaı-aq búgin el quramasynan Alýa Balqybekova (51 keli 1/8 fınalda ońtústikkoreıalyq Mýn Kaendi jeńip, shırek fınalǵa joldama aldy.

Endi el quramasynan taǵy jeti qazaqstandyq boksshy sharshy alańǵa shyǵady.

Kúndizgi sessııa (16:00)

55 keli. Mahmud Sabyrhan — Bashkım Bajoký
80 keli. Nurbek Oralbaı — Toqtarbek Tańathan

Keshki sessııa (22:00)

48 keli. Nazym Qyzaıbaı — Lıla Zeletskıı
50 keli. Sanjar Táshkenbaı — Hýthaıha Eshısh
85 keli. Bekzat Nurdáýletov — Georgıı Kýshıtashvılı
70 keli. Natalıa Bogdanova — Sema Chalyshkan
65 keli. Ertýǵan Zeınýlınov — Patrıs Mýgalzaı.

Dúbirli doda 4-14 qyrkúıek aralyǵynda Anglııanyń Lıverpýl qalasynda ótkiziledi. Jekpe-jekter «Qazaqstan» jáne «Qazsport» telearnalarynan tikeleı efırde kórsetiledi.

Álemniń ár qıyrynan kelgen boksshylar 4-10 qyrkúıek aralyǵynda irikteý kezeńinde saıysqa túsedi. Al 12-13 qyrkúıekte jartylaı bolsa, 13-14 qyrkúıekte fınaldyq básekeler ótedi.