Bokstan álem chempıonaty: 4 qarashada bir qazaqstandyq sportshy synǵa túsedi
ASTANA. KAZINFORM - Halyqaralyq boks assotsıatsııasy (IBA) aıasynda Birikken Arab Ámirliginiń Dýbaı qalasynda ótetin álem chempıonatynda 4 jeltoqsanda el quramasynan kimder synǵa túsetini belgili boldy.
El quramasynan bul kúni Nýrmagamed ıÝsýpov (92 keli) sharshy alańǵa shyǵady. Ol tájikstandyq Navrýz Djafoevpen kúsh baıqasady.Jekpe-jek Qazaqstan ýaqytymen túngi 12-den keıin bastalady.
IBA týrnıri 3-13 jeltoqsan aralyǵynda Dýbaıda uıymdastyrylady. Bul básekede 13 salmaq dárejesi belgilengen, al júlde qory óte joǵary: chempıondar – 300 myń dollar, kúmis júldegerler – 150 myń dollar, qola júldegerler – 75 myń dollar, al shırek fınalıster 10 myń dollar alady.
Bıyl dúbirli dodaǵa jer-jahannyń 95 elinen bylǵary qolǵap sheberleri keldi.
Qazaqstan erler quramasy álem chempıonaty aldynda Ózbekstan astanasy Tashkent qalasynda birlesken oqý-jıynyn ótkizdi.
Qazaqstan quramasynyń sapynda bıyl kúzde World Boxing halyqaralyq federatsııasy ótkizgen, ýaqytsha HOK moıyndaǵan álem chempıonatynyń jeńimpazdary bolmaıdy. Sebebi World Boxing – 2028 jylǵy Olımpıada oıyndaryndaǵy boks básekesine jaýapty uıym.