Bokstan ÁCh: Jazıra Oraqbaeva alǵashqy qarsylasyn nokaýtpen jeńdi

ASTANA. QazAqparat – Úndistannyń Nıý-Delı qalasynda bokstan áıelder arasynda álem chempıonaty ótip jatyr, dep habarlaıdy QazAqparat tilshisi.

Jarystyń alǵashqy kúni kúndizgi sessııada 52 kelige deıingi salmaqta qazaqstandyq Jazıra Oraqbaeva rıngke shyqty.

Azııa chempıonatynyń júldegeri Jazıra taıbeılik Chıa-Hsýn Chanmen judyryqtasyp, ekinshi raýnda qarsylasyn eki ret nokdaýnǵa jiberdi. Úshinshi raýnd basynda tóreshi jekpe-jekti toqtatyp, Jazıra Oraqbaeva aıqyn basymdylyqpen jeńiske jetip, kelesi kezeńge joldama aldy.

Qazaqstandyq basqa boksshylar erteń rıngke shyǵady.

Eske sala keteıik, budan buryn álem chempıonatynda boksshy qyzdardyń alǵashqy qarsylastary anyqtalǵanyn jazǵan bolatynbyz.