Bokstan ÁCh: Jaına Shekerbekova alǵashqy jekpe-jegin sátti ótkizdi

ASTANA. QazAqparat – Úndistannyń Nıý-Delı qalasynda bokstan áıelder arasynda ótip jatqan álem chempıonatynda Jaına Shekerbekova alǵashqy jekpe-jegin sátti ótkizdi, dep habarlaıdy QazAqparat tilshisi.

Azııa chempıony, álem birinshiliginiń kúmis jáne qola júldegeri Jaına Shekerbekova 54 kelige deıingi salmaqta ońtústikkoreıalyq E Chjı Immen sheberlik baıqasty.

Birinshi raýndta bes tóreshiniń tórteýi Jaına basym dep tanydy. Ekinshi kezeńde de solaı boldy. Qorytyndy esep – 4:1.

Osylaısha, J. Shekerbekova kelesi kezeńge ótti.

Eske sala keteıik, budan buryn bokstan álem chempıonatynda Jazıra Oraqbaevanyń alǵashqy qarsylasynan nokaýtpen jeńgenin jazǵan bolatynbyz.

Sondaı-aq, Rımma Volosenko ózbekstandyq sportshyny jeńdi.

Qarsylasyn nokaýtpen jeńgen Farıza Sholtaı 1/4 fınalǵa shyqty.

Bokstan álem chempıonatynda búgin úsh qazaqstandyqtyń rıngke shyǵatyny habarlandy.

Al, Alýa Balqybekova qarsylasyn aıqyn basymdylyqpen utty.