Bokstan ACh: Vıktorııa Grafeeva taıbeılik sportshyny nokaýtpen jeńdi
ASTANA. KAZINFORM – Taıland koroldiginiń Chıangmaı qalasynda bokstan erler jáne áıelder arasynda ótip jatqan Azııa chempıonatynda búgin qazaqstandyqtardan sońǵy bolyp Vıktorııa Grafeeva rıngke kóterildi.
V.Grafeeva 60 kelige deıingi salmaqta taıbeılik Chen Sıýan Enmen qolǵap túıistirdi.
Vıktorııa qoly men boıynyń uzyndyǵyn paıdalanyp, qarsylasyn birinshi raýndta-aq nokdaýnǵa jiberdi. Ekinshi kezeńde taıbeılik boksshy úshinshi nokdaýnyn alǵannan keıin referı jekpe-jekti toqtatty.
Osylaısha, beısenbi kúni sharshy alańǵa shyqqan alty qazaqstandyq boksshynyń beseýi jartylaı fınalǵa joldama aldy.
Eske sala keteıik, budan buryn bokstan Azııa chempıonatynda Orazbek Asylqulovtyń sharshy alań ıesin qapy qaldyrǵanyn jazǵan bolatynbyz.
Sondaı-aq Erasyl Jaqpekov jartylaı fınalǵa ótti.
Jazıra Oraqbaeva birinshi raýndta qarsylasyn nokaýtqa jiberdi.
Uljan Sársenbek qarsylasyn aıqyn basymdylyqpen utty.