Bokstan ÁCh: Vasılıı Levıt jartylaı fınalǵa shyqty
ASTANA. QazAqparat - Germanııanyń Gambýrg qalasynda ótip jatqan bokstan álem chempıonatynda Vasılıı Levıt kelesi kezeńge joldama aldy, dep habarlaıdy QazAqparat.
Álem chempıonatynda 91 keli salmaq sanatynda rıngke shyqqan Vasılıı Levıt avstralııalyq Djeıson Ýaıtlımen judyryqtasyp, jeńiske jetti. Jartylaı fınalda Vasılıı 27 jastaǵy Kýba sportshysy Erıslandı Savonmen kezdesedi. Savon Dohada ótken álem chempıonatynyń kúmis júldegeri jáne Rıo Olımpıadasynyń qola medal ıegeri. Levıt pen Savonnyń jekpe-jegi 31 tamyz kúni ótedi.
Aıta keteıik, buǵan deıin Ábilxan Amanqul 75 keli salmaq sanatynda rıngke kóterilip, Rıo Olımpıadasynyń chempıony, kýbalyq Arlen Lopesti utqan bolatyn.
Taǵy bir qazaq boksshysy Qaırat Eralıev (56 keli) shırek fınalda nemis boksshysy El-Hag Omarmen kezdesip, ony jergilikti jankúıerler aldynda jerge qaratty.
Al onyń aldynda 49 keli salmaq sanatynda jarys jolyna shyqqan boksshymyz Jomart Erjan eki dúrkin Eýropa chempıony, álem chempıonatynyń kúmis júldegeri reseılik Vasılıı Egorovtyutqan edi.
Alda taǵy 3 qazaq boksshysy jartylaı fınalǵa shyǵý úshin sharshy alańda baq synaıtyn bolady. Olar: Abylaıhan Júsipov (69), Qamshybek Qońqabaev (91 kg) jáne Erik Áljanov (81).
