Bokstan ÁCh: Valentına Halzova men Farıza Sholtaı qola júldeni qanaǵat tutty
ASTANA. QazAqparat – Úndistannyń Nıý-Delı qalasynda bokstan áıelder arasynda ótip jatqan álem chempıonatynda Valentına Halzova men Farıza Sholtaı qola júldege ıe boldy, dep habarlaıdy QazAqparat tilshisi.
Álem chempıony Valentına Halzova 75 kelige deıingi salmaqta Dostastyq oıyndarynyń eki márte júldegeri, aýstralııalyq Keıtlın Parkermen sheberlik baıqasty.
Tóreshilerdiń paıymdaýynsha, birinshi raýndta aýstralııalyq boksshy basymdylyq kórsetti. Ekinshi, úshinshi kezeńde de eshteńe ózgergen joq. Esep – 5:0.
Sondaı-aq Farıza Sholtaı 2018 jylǵy álem chempıony, qytaılyq Van Lınmen synǵa tústi. Munda alǵashqy eki raýnda bes tóreshiniń úsheýi qytaılyqqa berdi. Esep 4:1 bolyp, qytaılyq sportshynyń paıdasyna sheshildi.
Osylaısha, Valentına Halzova men Farıza Sholtaı qola medalmen shekteldi.
Eske sala keteıik, budan buryn álem chempıonatynda búgin qazaqstandyq 6 boksshynyń fınal joldamasyn sarapqa salatynyn jazǵan bolatynbyz.
Sondaı-aq álem chempıonatynda Alýa Balqybekova qola júldeger atandy.
Karına Ibragımova eki dúrkin álem chempıonyn utyp, fınalǵa shyqty.
