Bokstan ÁCh: Talǵat Syrymbetov Azııa chempıonyna ese jiberdi

ASTANA. QazAqparat – Ózbekstan astanasy Tashkentte bokstan erler arasynda ótip jatqan álem chempıonatynda Talǵat Syrymbetov kelesi kezeńge óte almady, dep habarlaıdy QazAqparat tilshisi.

Qazaqstandyq boksshy 60 kelige deıingi salmaqta 1/16 fınalda ótken jylǵy Azııa chempıony, ıordanııalyq Mohamed Abý-Djadjehpen judyryqtasty.

Bul álem chempıonatyna birinshi ret qatysyp otyrǵan 22 jastaǵy T.Syrymbetovtiń ekinshi jekpe-jegi edi.

Talǵat birden shabýylǵa kóship, soqqylaryn jıi darytýǵa tyrysty. Biraq birinshi raýndta tóreshiler ıordanııalyq boksshy basym dep tapty. Ekinshi kezeńde M.Abý-Djadjeh eskertý de aldy. Bul joly tarazy basy T.Syrymbetovke aýdy. Úshinshi raýndta ta Talǵat aıanyp qalmady. Alaıda tóreshiler jeńisti ıordanııalyqqa berdi – 1:4.

Eske sala keteıik, budan buryn bokstan álem chempıonatynda Saǵyndyq Toǵambaıdyń qarsylasyn nokaýtpen utqanyn jazǵan bolatynbyz.

Sondaı-aq Sanatáli Tóltaev kelesi kezeńge joldama aldy.