Bokstan ÁCh: Taǵy 2 qazaqstandyq jas boksshy chempıon boldy

ASTANA. KAZINFORM - Chernogorııanyń Býdva qalasynda ótip jatqan bokstan jastar arasyndaǵy 2024 jylǵy álem chempıonaty máresine jetti.

Jarystyń sońǵy kúninde el quramasynan uldar arasynda Beksultan Boranbek (51 keli) pen Óner Seıilhan (71 keli) sharshy alańǵa shyqty.
Fınalda Beksultan Djastın Morenony (Kolýmbııa) 5:0 esebimen aıqyn basymdyqpen jeńip, álem chempıony ataǵyn jeńip aldy.
Dúnıejúzilik dodada buǵan deıin Beksultan Zımbabve, Moldova, Reseı, Iran boksshylarynan qapy qaldyrǵan edi.
Sondaı-aq jeńisti joldy Óner Seıilhan (71 keli) da jalǵastyrdy. Aqtyq synda ol reseılik Alekseı Gýkovty 5:0 esebimen jeńdi.

Foto: Qazaqstan boks federatsııasy

Birinshilik barysynda Óner Belarýs (5:0), Pákistan (5:0), Albanııa (5:0) jáne Ózbekstan (4:1) boksshylarynan basym tústi.
Aıta ketsek, budan buryn el quramasynan Tórehan Sabyrhan (67 keli) men Sanjaráli Begalıev (75 keli) jeńis tuǵyryna kóterildi.
Eske salsaq, budan buryn Elıanur Turǵanova bokstan álem chempıonatynda el qorjynyna tórtinshi altyndy saldy.