Bokstan ÁCh: Serik Temirjanov alǵashqy jeńisi jóninde pikir bildirdi

TAShKENT. QazAqparat - Ózbekstan astanasy Tashkent qalasynda ótip jatqan álem chempıonatynyń besinshi jarys kúninde jeńiske jetken Serik Temirjanov (57 keli) jekpe-jegi jóninde pikir bildirdi, dep habarlaıdy QazAqparat tilshisi.

Qazaqstandyq sportshy 1/16 fınalda Malı elinen kelgen Abdýl Karım Batılıdiń osal tusyn tapty.

«Maǵan jankúıerlik jasaǵan barsha azamattarǵa raqmet aıtamyn. Alǵashqy jekpe-jegimde jeńiske jettim. Maqsatym - álem chempıony bolý. Jaqsy daıyndyq ótkizdik. Aǵa jáne jeke bapkerlerimmen aqyldasyp, osy maqsatta taktıka uıymdastyrdyq. Oǵan bar kúshimizdi salamyz», - dedi S.Temirjanov.

Endi el quramasynan búgin 19:00-de bastalatyn keshki sessııada Nurbek Oralbaı (80 keli) ázerbaıjandyq Murad Allahverdıevpen kezdesse, Aıbek Oralbaı (92 keli) ıtalııalyq Azız Abbes Mýhııdınmen qolǵap túıistiredi.

Aıta ketsek, qazirge deıin el quramasynan Talǵat Syrymbetov (60 keli) pen Sanatálı Tóltaev (63,5 keli) jarys jolynan shyǵyp qaldy.