Bokstan ÁCh: Serik Temirjanov alǵashqy jekpe-jeginde jeńiske jetti

ASTANA. QazAqparat - Ózbekstan astanasy Tashkent qalasynda ótip jatqan álem chempıonatynyń besinshi jarys kúninde Serik Temirjanov (57 keli) alǵashqy jekpe-jegin ótkizdi, dep habarlaıdy QazAqparat tilshisi.

Qazaqstandyq sportshy 1/16 fınalda Malı elinen kelgen Abdýl Karım Batılımen kezdesti. Bul A rınginde sol kúni ótetin alǵashqy jekpe-jek boldy.

Sharshy alańda qazaqstandyq bylǵary qolǵap sheberi jınaqy qımyl kórsetti. Nátıjesinde tóreshilerdiń biraýyzdy sheshimimen S.Temirjanov jeńiske jetti.

Endi el quramasynan búgin 19:00-de bastalatyn keshki sessııada Nurbek Oralbaı (80 keli) ázerbaıjandyq Murad Allahverdıevpen kezdesse, Aıbek Oralbaı (92 keli) ıtalııalyq Azız Abbes Mýhııdınmen qolǵap túıistiredi.

Aıta ketsek, qazirge deıin el quramasynan Talǵat Syrymbetov (60 keli) Sanatálı Tóltaev (63,5 keli) jarys jolynan shyǵyp qaldy.

Eske salsaq, 4 mamyrda Qazaqstan quramasynan Sanatalı Tóltaev (63,5 keli) Mavrıkııden kelgen Kolıný Rısharnoǵa ese jiberse, odan keıin Qamshybek Qońqabaev (92 keliden joǵary) reseılik Alekseı Dronovtan basym tústi.