Bokstan ÁCh: Saǵyndyq Toǵambaı jarys jolynan shyǵyp qaldy

ASTANA. QazAqparat – Tashkent qalasynda bokstan erler arasynda ótip jatqan álem chempıonatynda qazaqstandyq Saǵyndyq Toǵambaı jarys jolynan shyǵyp qaldy, dep habarlaıdy QazAqparat tilshisi.

Jastar arasynda Azııa chempıony atanyp, álem birinshiliginde kúmis alǵan jas boksshy S. Toǵambaı 86 kelige deıingi salmaqta ózbekstandyq Shohjahon Abdýllaevpen judyryqtasty.

Jastar arasynda álem birinshiliginiń qola júldegeri atanyp, kásipqoı bokstyń da dámin tatyp úlgergen 20 jastaǵy Sh. Abdýllaev osal qarsylas emes-ti. Osyǵan deıingi ózara bir kezdesýde ózbekstandyq boksshy jeńiske jetken.

Saǵyndyq Toǵambaı Tashkenttegi birinshi jekpe-jeginde kongolyq Natan Nlandý Mbelıdi nokaýtpen utqan edi.

Bul joly birinshi raýndta tóreshiler túgeldeı ózbekstandyq boksshyǵa basymdyq berdi. Ekinshi kezeńde referı S. Toǵambaıǵa nokdaýn eseptedi. Úshinshi raýndta eshteńe ózgere qoıǵan joq. Esep - 5:0, jeńis ózbekstandyq boksshynyń enshisinde ketti.

Eske sala keteıik, budan buryn bokstan álem chempıonatynda Mahmud Sabyrhannyń alǵashqy jeńisine qol jetkizgenin jazǵan edik.

Sondaı-aq, Sanjar Táshkenbaı Tashkentte ózbekstandyq boksshyny nokdaýnmen jeńdi. Ol qazaqtyń kók týyn jelbiretkisi keletinin aıtty.