Bokstan ÁCh: Saǵyndyq Toǵambaı qarsylasyn nokaýtpen utty

ASTANA. QazAqparat - Tashkent qalasynda bokstan erler arasynda ótip jatqan álem chempıonatynda Saǵyndyq Toǵambaı qarsylasyn nokaýtpen utty, dep habarlaıdy QazAqparat tilshisi.

Jastar arasynda Azııanyń úsh márte chempıony, dál osyndaı álemdik dodada fınalǵa deıin jetken qazaqstandyq boksshy 86 kelige deıingi salmaqta bastapqy kezdesýin kongolyq Natan Nlandý Mbelımen ótkizdi.

Saǵyndyq ekinshi raýndta qarsylasyn eki ret nokdaýnǵa jiberdi. Úshinshi kezeńde tóreshi jekpe-jekti toqtatty.

Osylaısha, S.Toǵambaı 1/8 fınalǵa joldama aldy.

Búgin keshki sessııada sondaı-aq Sanatáli Tóltaev rıngke shyǵady.

Eske sala keteıik, budan buryn qazaqstandyq qos boksshynyń álem chempıonatyn jeńispen bastaǵanyn jazǵan bolatynbyz.

Sondaı-aq álem chempıonatynyń ekinshi kúni Saǵyndyq Toǵambaı men Sanatáli Tóltaevtyń rıngke shyǵatyny habarlandy.