Bokstan ÁCh: Rımma Volosenko shırek fınalǵa ótti

ASTANA. QazAqparat – Úndistannyń Nıý-Delı qalasynda bokstan áıelder arasynda ótip jatqan álem chempıonatynda Rımma Volosenko shırek fınalǵa joldama aldy, dep habarlaıdy QazAqparat tilshisi.

Azııa chempıony Rımma Volosenko 60 kelige deıingi salmaqta serbııalyq, túbi reseılik Natalıa Shadrınamen kezdesti.

Alǵashqy jekpe-jeginde ózbekstandyq Sıtora Turdybekovany joldan taıdyrǵan Rımmanyń bul básekesi de tartysty ótti. Birinshi raýndta bes tóreshiniń úsheýi qazaqstandyq boksshyǵa basymdyq berdi. Ekinshisinde Rımma eskertý alyp, tarazy basy serbııalyqqa aýdy. Degenmen qazylardyń basym daýsymen R.Volosenko shırek fınalǵa ótti.

Eske sala keteıik, budan buryn Mádına Nurshaevanyń shırek fınalǵa ótkenin jazǵan bolatynbyz.

Sondaı-aq Jaına Shekerbekova men Valentına Halzova ¼ fınalǵa joldama aldy.

Bokstan álem chempıonatynda búgin bes qazaqstandyq sportshynyń baq synaıtyny habarlandy.

Alýa Balqybekova shırek fınalǵa shyqty.

Karına Ibragımova 1/8 fınalǵa joldama aldy.

Aıda Ábikeeva jarys jolynan shyǵyp qaldy.