Bokstan ÁCh: Qytaı quramyndaǵy qazaq jigiti álemniń vıtse-chempıonyn utty

ASTANA. QazAqparat – Ózbekstan astanasy Tashkentte bokstan erler arasynda ótip jatqan álem chempıonatynda Qytaı quramasynda óner kórsetetin Danabek Baıǵazy (Danabıeke Baıkevýzı) kútpegen nátıjege qol jetkizdi, dep habarlaıdy QazAqparat tilshisi.

Qazaq jigiti asa aýyr salmaqta (+92 kg) armenııalyq Davıd Chaloıanmen judyryqtasty.

Bul jekpe-jekte favorıt sanalǵan D.Chaloıannyń basqa ataqtaryn aıtpaǵanda, ol 2021 jylǵy álem chempıonatynyń kúmis júldegeri edi. Soǵan qaramastan, aýyr soqqylar ótkizgen armenııalyq sportshy birinshi raýnda aıqyn utyldy – 0:5. Ekinshi kezeńde ese qaıyrǵandaı kóringenimen, tóreshiler jekpe-jek qorytyndysyna sáıkes jeńisti Danabekke berdi.

Jalpy, osy chempıonatta ulty qazaq boksshylar men bapkerler basqa da quramalarda bar.

Asa aýyr salmaqta búgin qazaqstandyq Qamshybek Qońqabaev rıngke shyǵady. Onyń qarsylasy – reseılik Alekseı Egorov. Eger A.Egorovty utsa, Qamshybek shırek fınalda olımpıada chempıony, ózbekstandyq Bahodır Jalolovpen qolǵap túıistirýi múmkin.

Eske sala keteıik, budan buryn bokstan álem chempıonatynda Saǵyndyq Toǵambaıdyń qarsylasyn nokaýtpen utqanyn jazǵan bolatynbyz.

Sondaı-aq Sanatáli Tóltaev kelesi kezeńge joldama aldy.

Talǵat Syrymbetov Azııa chempıonyna jol berdi.

Sanatáli Tóltaev jarys jolynan shyǵyp qaldy.