Bokstan ÁCh: Kýbalyqtan jeńilip qalǵan Jomart Erjan qola júldeni mise tutty
ASTANA. QazAqparat - Germanııanyń Gambýrg qalasynda ótip jatqan bokstan álem chempıonatynda 49 keli salmaqta otandasynymyz Jomart Erjan kýbalyq qarsylasy Jonıs Arhılagostan utylyp qaldy, dep habarlaıdy «QazAqparat» HAA tilshisi.
Kýbalyq alǵashqy raýndta shymyr qorǵanysyn buzdyra qoımady. Jyldamdyǵy ákki kýbalyq boksshynyń soqqylary daryp jatty. Kýbalyq qorǵanysymen birge qarymta shabýylda da myqty ekenin dáleldep berdi. 24 jastaǵy jerlesimiz de osaldyq tanytqan joq - baryn saldy. Ásirese, úshinshi raýndta belsendiligimen naǵyz boksty kórsetti dese de bolady. Biraq, tóreshilerdiń sheshimimen 3 raýndtyq aıqastyń qorytyndysy boıynsha jeńis Jonıs Arhılagosqa berildi.
Eske sala ketsek, bokstan Qazaqstan ulttyq quramasynyń bas bapkeri Myrzaǵalı Aıtjanovtyń 6 boksshysy jartylaı fınalǵa shyqqan bolatyn. Otandas bylǵary qolǵap sheberlerimizdiń aldyna tek jartylaı fınalǵa 7 bkosshysymen daralanǵan Kýba quramasy shyǵyp otyr.
