Bokstan ÁCh: qazaqstandyq Jánibek Álimhanuly ırlandııalyq Maıkl Oreıllıden jeńilip qaldy
ASTANA. QazAqparat - Katar astanasy Doha qalasynda bokstan ótip jatqan álem chempıonatynyń shırek fınalynda 75 kelige deıingi salmaq dárejesinde judyryqtasqan qazaqstandyq boksshy Jánibek Álimhanuly jeńiliske ushyrady.
Qazaq boksshysy ırlandııalyq boksshy, Eýropa chempıony, 22 jastaǵy Maıkl O'Reıllıden utylyp qaldy. 75 kelide óner kórsetetin qazaqstandyq birinshi raýndta 0:3 esebimen jeńilis tapty, keıin ekinshi raýndta esepti teńestire aldy. Degenmen úshinshi raýndta Álimxanulyna tek bir qazy jeńis bergen. Eske salaıyq, shırek fınalǵa Qazaqstannyń alty boksshysy shyqty. Búgin tórtinshi jarys kúni aıasynda qazaqstandyq boksshylar Vasılıı Levıt (91 kelige deıin), Oljas Sáttibaev (52 keli deıin), Danııar Eleýsinov (69 kelige deıin) jáne Ádilbek Nııazymbetov (81 kelige deıin) óz ónerlerin kórsetedi.
