Bokstan ÁCh: Qazaqstandyq boksshy Jomart Erjan jartylaı fınalǵa joldama aldy
ASTANA. QazAqparat - Germanııanyń Gambýrg qalasynda ótip jatqan bokstan álem chempıonatynyń shırek fınalyna shyqqan Jomart Erjan qarsylasynan basym túsip, jartylaı fınalǵa shyqty, dep habarlaıdy QazAqparat.
49 keli salmaq sanatynda sharshy alańǵa shyqqan boksshymyz eki dúrkin Eýropa chempıony, álem chempıonatynyń kúmis júldegeri reseılik Vasılıı Egorovpen judyryqtasqan bolatyn. Úsh raýnd boıy azýly qarsylasynan óziniń basymdyǵyn dáleldegen boksshymyz jartylaı fınalǵa joldama aldy.
Aıta keterligi, shırek fınalǵa Jomart Erjannan bólek taǵy 6 boksshymyz shyqty. Búgin olardyń qaısysy qarsylasyn qapy qaldyryp, jartylaı fınalǵa shyǵatynyn biletin bolamyz.
