Bokstan ÁCh: Qazaqstan qorjynyna ekinshi qola júlde tústi
ASTANA. QazAqparat – Úndistannyń Nıý-Delı qalasynda bokstan áıelder arasynda ótip jatqan álem chempıonatynda Nadejda Rıabets qola júldege ıe boldy, dep habarlaıdy QazAqparat tilshisi.
Budan buryn jasóspirimder arasynda dúnıejúzilik dodada top jarǵan Nadejda Rıabets 66 kelige deıingi salmaqta 2019 jylǵy álem chempıonatynyń kúmis júldegeri, qytaılyq ıAn Lıýmen qolǵap túıistirdi.
Birinshi raýndta tóreshiler qazaqstandyq boksshyǵa basymdyq bergenimen, ekinshi kezeńde kerisinshe boldy. Qorytyndy esep – 4:1, qytaılyqtyń paıdasynda.
Osylaısha, N.Rıabets chempıonatty qola júldemen aıaqtady.
Eske sala keteıik, budan buryn álem chempıonatynda búgin qazaqstandyq 6 boksshynyń fınal joldamasyn sarapqa salatynyn jazǵan bolatynbyz.
Sondaı-aq álem chempıonatynda Alýa Balqybekova qola júldeger atandy.
Karına Ibragımova eki dúrkin álem chempıonyn utyp, fınalǵa shyqty.
