Bokstan ÁCh: Qarsylasyn nokaýtpen jeńgen Farıza Sholtaı ¼ fınalǵa shyqty

ASTANA. QazAqparat – Úndistannyń Nıý-Delı qalasynda bokstan áıelder arasynda ótip jatqan álem chempıonatynda Farıza Sholtaı shırek fınalǵa shyqty, dep habarlaıdy QazAqparat tilshisi.

Qazaqstandyq boksshy 1/8 fınalda Trınıdad jáne Tobago ókili Lıenn Býdremmen sheberlik baıqasty.

Farıza birinshi raýndta-aq qarsylasyn eki ret nokdaýnǵa jiberip, aıqyn basymdylyqpen jeńdi.

2021 jylǵy Azııa chempıony Farıza Sholtaı shırek fınalda kenııalyq Elızabet Andıegomen judyryqtasady. Bul olardyń alǵashqy jekpe-jegi bolmaq.

Osylaısha, kesheden beri rıngke shyqqan úsh qazaqstandyq boksshy da jeńiske jetti.

Álem chempıonaty erteń jalǵasady.

Eske sala keteıik, budan buryn bokstan álem chempıonatynda Jazıra Oraqbaevanyń alǵashqy qarsylasynan nokaýtpen jeńgenin jazǵan bolatynbyz.

Sondaı-aq Rımma Volosenko ózbekstandyq sportshyny jeńdi.