Bokstan ÁCh: Karına Ibragımova jarysty jalǵastyrady

ASTANA. QazAqparat – Úndistannyń Nıý-Delı qalasynda ótip jatqan bokstan áıelder arasyndaǵy álem chempıonatynyń shırek fınalynda qazaqstandyq Karına Ibragımova jeńiske jetti, dep habarlaıdy QazAqparat tilshisi.

Qazaqstandyq sportshy 57 keli salmaqta venesýelalyq Omaılın Alkalamen sharshy alańǵa shyqty. Alǵashqy eki raýndta tóreshiler qazaqstandyq boksshynyń basymdyǵyna qoldaý bildirdi. Nátıjesinde Karına qarsylasynan basym túsip, jartylaı fınalǵa joldama aldy.

Karına budan buryn kolýmbııalyq Valerııa Arboleda Mendosa, ázerbaıjandyq Mahsatı Hamzaevany orta jolda qaldyryp ketti.

Karına Ibragımova 1996 jyly dúnıege kelgen. Buǵan deıin álem chempıonatynda 2018, 2022 jyldary qola júldeger atandy.

Sondaı-aq, el quramasynan toǵyz boksshy shırek fınalǵa joldama alǵan edi.

Qazirge deıin el quramasynan Alýa Balqybekova (48 keli) jartylaı fınalǵa shyqty.