Bokstan ÁCh: Karına Ibragımova qarsylasyn jeńdi

ASTANA. QazAqparat – Úndistannyń Nıý-Delı qalasynda bokstan áıelder arasynda ótip jatqan álem chempıonatynda Karına Ibragımova ekinshi jekpe-jegin de sátti ótkizdi, dep habarlaıdy QazAqparat tilshisi.

Álem chempıonatynyń qola júldegeri K.Ibragımova 57 kelige deıingi salmaqta ázerbaıjandyq Mahsatı Hamzaevamen sheberlik baıqasty.

Karına alǵashqy jekpeginde kolýmbııalyq Valerııa Arboleda Mendosany nokaýtpen jeńgen bolatyn.

Karına bul joly da soqqylaryn dál jumsaı bildi. Tipti ekinshi raýndta qarsylasyn nokdaýnǵa jiberdi. Úshinshi kezeńde M.Hamzaeva taǵy bir nokdaýn alǵannan keıin tóreshi jekpe-jekti toqtatty.

Osylaısha, K.Ibragımova shırek fınalǵa shyǵyp, medalǵa bir taban jaqyndaı tústi.

Eske sala keteıik, budan buryn Mádına Nurshaevanyń shırek fınalǵa ótkenin jazǵan bolatynbyz.

Sondaı-aq Jaına Shekerbekova men Valentına Halzova ¼ fınalǵa joldama aldy.

Bokstan álem chempıonatynda búgin bes qazaqstandyq sportshynyń baq synaıtyny habarlandy.

Alýa Balqybekova shırek fınalǵa shyqty.