Bokstan ÁCh: Karına Ibragımova 1/8 fınalǵa joldama aldy

ASTANA. QazAqparat - Qazaqstandyq boksshy Karına Ibragımova Úndistan astanasy Nıý-Delı qalasynda ótip jatqan áıelder arasyndaǵy álem chempıonatynda 1/8 fınalǵa joldama aldy, dep habarlaıdy QazAqparat tilshisi.

Qazaqstandyq sportshy 57 keli salmaqta 1/16 fınalda kolýmbııalyq Valerııa Arboleda Mendosamen qolǵap túıistirdi.

Nátıjesinde ekinshi raýndta qarsylasyn nokaýtqa jiberip, jeńiske jetti.

Karına Ibragımova 2018 jáne 2022 jyldarda álem chempıonatynda qola júldeger boldy. Ótken jyly Azııa chempıonatynda jeńis tuǵyryna kóterildi.

Álem chempıonatynda 2014 jáne 2016 jyldarda altyn alǵan Nazym Qyzaıbaı (50 keli) 1/16 fınalda kútpegen jerden vetnamdyq Thı Tam Ngýenge tóreshiler sheshimimen ese jiberdi.

Eske salsaq, buǵan deıin Jazıra Oraqbaeva (52 keli) Farıza Sholtaı (81 keli), Alýa Balqybekova (48 keli), Jaına Shekerbekova (54 keli), Nadejda Rıabets (66 keli), Rımma Volosenko (60 keli) jarysty jalǵastyrýǵa múmkindik aldy.