Bokstan ÁCh: Eldana Tálipova asa aýyr salmaqta kúmisti qanaǵat tutty

ASTANA. KAZINFORM – Serbııanyń Nısh qalasynda áıelder arasynda bokstan álem chempıonatynyń fınalynda qazaqstandyqtardan sońǵy bolyp Eldana Tálipova rıngke shyqty.

Eldana 81 keliden joǵary salmaqta qytaılyq Ilıan Chjanmen judyryqtasty.

Bastapqy raýndta bes qazynyń tórteýi basymdylyqty qytaılyq boksshyǵa berdi. Ekinshi jáne úshinshi kezeńde de jaǵdaı ózgermedi. Esep 4:1 bolyp, jeńis qytaılyq sportshynyń enshisinde ketti.

Osylaısha, Eldana Tálipova kúmisti qanaǵat tutty.

2024 jyldyń sońynda Taılandtyń Chıangmaı qalasynda ótken bokstan Azııa chempıonatynda qazaqstandyq bes boksshy fınalǵa shyǵyp, túgeldeı jeńimpaz atanǵan edi. Solardyń qatarynda asa aýyr salmaqta Eldana da boldy.

Bıylǵy álem chempıonatynyń sońǵy básekesine Qazaqstannan bes sportshy ótkenimen, sonyń úsheýine altyn, ekeýine kúmis buıyrdy.

Eske sala keteıik, budan buryn Azııa chempıonatynda Eldana Tálipovanyń fınalda ózbek boksshysyn qapy qaldyrǵanyn jazǵan bolatynbyz.

Sondaı-aq Nazym Qyzaıbaı qazaqstandyq boksshylardan alǵash ret úsh dúrkin álem chempıony atandy.

Alýa Balqybekova Qazaqstan qorjynyna ekinshi altyndy saldy.