Bokstan ACh: Aıbek Oralbaı el qorjynyna úshinshi «altyndy» saldy

ASTANA. QazAqparat – Iordanııa astanasy Amman qalasynda bokstan ótip jatqan Azııa chempıonatynda Aıbek Oralbaı altyn aldy, dep habarlaıdy QazAqparat tilshisi.

Qurlyqtyq dodada 92 kelide synǵa túsken Aıbek Oralbaı fınalda ózbekstandyq Madııar Saıdrahımovtyń osal tusyn tapty. Osylaısha, el quramasynyń qorjynyna úshinshi «altyndy» saldy.

Aıta ketsek, budan buryn el quramasynan Sanjar Táshkenbaı (48 keli) men Aslanbek Shymbergenov Azııa chempıony boldy.

Al, Sáken Bıbosynov (51 keli), Mahmýd Sabyrhan (54 keli), Serik Temirjanov (57 keli), Dýlat Bekbaýov (67 keli), Nurqanat Raıys (75 keli) kúmis medaldi qanaǵat tutty.

Endi sharshy alańǵa Qamshybek Qońqabaev (92 keliden joǵary) shyǵady. Qarsylasy – ózbekstandyq Lazızbek Mýllajonov.

Foto: sports.kz