Bokstan ÁCh: Alýa Balqybekova jartylaı fınalǵa shyqty

ASTANA. QazAqparat - Úndistannyń Nıý-Delı qalasynda ótip jatqan bokstan áıelder arasyndaǵy álem chempıonatynyń shırek fınalynda qazaqstandyq Alýa Balqybekova jeńiske jetti, dep habarlaıdy QazAqparat tilshisi.

Ol kúndizgi seesııada 48 keli salmaqta túrkııalyq Erıvan Barýtpen qolǵap túıistirdi.

Birinshi raýndta tóreshiler Alýanyń basymdyǵyn biraýyzdan qoldady. Al ekinshi raýndta tóreshilerdiń úsheýi oǵan daýys berse, ekeýi túrkııalyq sportshyǵa qoldaý bildirdi.

Úshinshi raýndta da Alýa senimdi oıyn kórsetti.

Nátıjesinde qazaqstandyq boksshy qyz jartylaı fınalǵa joldama aldy. Bul - kem degende qola júlde qorjynǵa túsedi degen sóz.

Alýa Balqybekova budan buryn Azııa chempıony atanǵan. 2022 jyly álem chempıonatynda kúmis medal aldy.

Endi el quramasynan shırek fınalǵa Alýa Balqybekova (48 keli), Jaına Shekerbekova (54 keli), Karına Ibragımova (57 keli), Rımma Volosenko (60 keli), Nadejda Rıabets (66 keli), Mádına Nurshaeva (70 keli), Valentına Halzova (75 keli), Farıza Sholtaı (81 keli) jáne Lázzat Kúngeıbaeva (81 keliden joǵary) synǵa túsedi.

Eske salsaq, álem chempıonatynda 1/4 fınalǵa shyqqan sportshylar jóninen Qazaqstan kósh basynda tur.