Bokstan ÁCh: Alýa Balqybekova qola júldeger atandy

ASTANA. QazAqparat – Úndistannyń Nıý-Delı qalasynda bokstan áıelder arasynda ótip jatqan álem chempıonatynda Alýa Balqybekova qola júldeger atandy, dep habarlaıdy QazAqparat tilshisi.

Ótken jylǵy álem chempıonatynyń kúmis júldegeri Alýa Balqybekova 48 kelige deıingi salmaqta úndistandyq, jastar arasynda dúnıejúzilik dodada eki ret top jarǵan Nıtý Gangaspen sheberlik baıqasty.

Ótken jyly Ystanbulda ótken álem birinshiliginde Alýa qarsylasyn jeńgen edi.

Bul joly birinshi raýndta bes tóreshiniń úsheýi qazaqstandyq boksshy basym dep tapty. Ekinshi kezeńde tarazy basy úndistandyqqa aýdy. Aqyry qazylar jeńisti úndistandyq boksshyǵa berip, Alýa Balqybekova qola júldeni qanaǵat tutty.

Búgin Qazaqstannan taǵy bes boksshy sharshy alańǵa shyǵady.

Eske sala keteıik, budan buryn álem chempıonatynda búgin qazaqstandyq 6 boksshynyń fınal joldamasyn sarapqa salatynyn jazǵan bolatynbyz.