Bokstan ÁCh: Aıda Ábikeeva jarys jolynan shyǵyp qaldy

ASTANA. QazAqparat – Úndistannyń Nıý-Delı qalasynda bokstan áıelder arasynda ótip jatqan álem chempıonatynda Aıda Ábikeeva jarys jolynan shyǵyp qaldy, dep habarlaıdy QazAqparat tilshisi.

Astanalyq Aıda Ábikeeva 63 kelige deıingi salmaqta qytaılyq Chengıý ıAnmen qolǵan túıistirdi.

Birinshi raýndta Aıda nokdaýn alyp qalyp, basymdylyq qarsylasyna berildi. Ekinshi, úshinshi kezeńde de eshteńe ózgere qoıǵan joq. Esep – 5:0, qytaılyq sportshynyń enshisinde.

Keshki sessııada Qazaqstannan Rımma Volosenko men Nadejda Rıabets jekpe-jekterin ótkizedi.

Álemdik dodada baq synaǵan 12 qazaqstandyq boksshynyń 9-y jarysty jalǵastyrýda.

Eske sala keteıik, budan buryn Mádına Nurshaevanyń shırek fınalǵa ótkenin jazǵan bolatynbyz.

Sondaı-aq Jaına Shekerbekova men Valentına Halzova ¼ fınalǵa joldama aldy.

Bokstan álem chempıonatynda búgin bes qazaqstandyq sportshynyń baq synaıtyny habarlandy.

Alýa Balqybekova shırek fınalǵa shyqty.

Karına Ibragımova 1/8 fınalǵa joldama aldy.