Bokstan 2026 jylǵy Álem kýboginiń fınaly qaıda ótetini belgili boldy

ASTANA. KAZINFORM – World Boxing halyqaralyq federatsııasy 2026 jylǵy Álem kýbogynyń kezeńder kúntizbesin tanystyrdy, dep habarlaıdy Olympic.kz. 

Federatsııa prezıdenti Gennadıı Golovkın fınaldyq kezeńniń Ózbekstanda ótetinin málimdedi.

Kúntizbe boıynsha alǵashqy kezeń 2026 jylǵy sáýirde Brazılııada, ekinshi kezeń maýsymda Qytaıda ótedi.

Álem kýbogynyń fınaldyq kezeńi qarasha aıynda Ózbekstanda uıymdastyrylady. Dálme-dál datalar men qabyldaıtyn qalalar keıin naqtylanady.

Sonymen qatar aldyn ala jarys josparyna U19 jasóspirimder arasyndaǵy álem chempıonaty engizilgen. Jarys jaz aılarynda ótedi, alaıda ótkizý orny áli naqtylanbaǵan.

Eske salaıyq, Gennadıı Golovkın World Boxing federatsııasynyń prezıdenti bolyp saılandy.