Bokstan 2021 jylǵy Azııa chempıonaty Nıý-Delıde ótedi
NUR-SULTAN. QazAqparat - Azııa boks Konfederatsııasy 2021 jylǵy qurlyq birinshiligi 21-31 mamyr aralyǵynda Úndistannyń Nıý-Delı qalasynda ótetinin málim etti, dep habarlaıdy QazAqparat Olympic.kz-ke silteme jasap.
Sońǵy Azııa chempıonaty 2019 jyldyń sáýirinde Taılandtyń Bangkok qalasynda ótken bolatyn. Atalǵan qurlyq dodasy qatysýshy sportshylar men qatysýshy elder sanynyń kóptiginen rekord ornatty.
Chempıonatqa jalpy esebi 304 sportshy qatysty. Onyń ishinde 112 áıel, 192 er adam bar. Al jalpy esebi týrnırde 34 eldiń ókilderi baq synaǵan.
Aıta ketelik, bokstan 2018 jylǵy Azııa chempıonaty da Nıý-Delıde ótken bolatyn.