Bokstan 2019 jylǵy álem birinshiligi qaıda ótetini belgili boldy
ASTANA. QazAqparat - Bokstan 2019 jylǵy álem birinshiligi qaıda ótetini belgili boldy, dep habarlaıdy QazAqparat tilshisi.
Dúısenbi kúni Máskeý qalasynda AIBA Atqarýshy komıtetiniń kezekti otyrysy ótti. Onda 2019 jyly bokstan erler arasyndaǵy álem chempıonaty Reseıdiń Sochı qalasynda ótetin bolyp bekitildi. Doda «Aısberg» sport kesheninde ótedi.
Bul týraly tass.ru agenttigi jazdy.
Týrnırdi ótkizýge Túrkııa, Ýkraına, Taıland jáne Úndistan elderi úmitker bolǵan.
Otyrysta AIBA prezıdenti Chıng-Kýo Vý: «2019 jyly Reseıde ótetin bokstan álem chempıonaty joǵary deńgeıde ótedi degen senimdemin. Reseı boks federatsııasynyń basshylyǵy dodany uıymdastyrýǵa bar kúsh-jigerin salady. Álem birinshiligin joǵary deńgeıde ótkizetinine kúmánim joq», - dep atap ótti.
Eske sala keteıik, Reseı erler arasyndaǵy álem chempıonatyn sońǵy ret 1989 (KSRO kezinde) qabyldaǵan bolatyn.
