Boksta jetistikke jetý úshin 18 jyl ter tóktim - Serik Sápıev
ASTANA. QazAqparat - Sportta óziniń basty maqsatyna qol jetkizip, olımpıada chempıony ataný úshin Serik Sapıev 18 jyl ter tókken. Bul týraly búgin tanymal boksshy, Londondaǵy Olımpıada oıyndarynyń chempıony QR Tuńǵysh Prezıdenti Murajaıyndaǵy sporttaǵy daryndy balalarmen kezdesý barysynda aıtty.
«Meniń sizderge aıtarym, aldyǵa maqsat qoıyp, soǵan qaraı umtylý kerek. Men boksqa 10 jasymda keldim, 28 jasymda olımpıada chempıony atandym, óz maqsatyma qol jetkizý úshin 18 jyl daıyndaldym. Basynda Olımpıada týraly oılaǵan da joqpyn. Keıin sport sheberi normatıvin oryndaǵannan keıin, óz múmkindikterimdi sezine bastadym. Sodan keıin baryp mende boksta bir jetistikke jetý maqsaty paıda boldy», - dedi S.Sapıev. Qıyndyqqa tap bolǵanǵa moıymaýdy da aıtty, óıtkeni bolashaq olımpıada chempıonynyń da alǵashqy oıyndary sátsiz ótken bolatyn. Biraq ol oǵan bola boksty tastamady. «Biz, sportshylar, salaýatty ómir saltyn nasıhattaýymyz kerekpiz. Qazaqstan sportpen jappaı aınalysatyn elge aınalýy tıis. Qazirdiń ózinde túrli sporttyq zaldardaǵy jattyǵýlarda ózderiniń qol astyndaǵylar men jastarǵa úlgi bolyp júrgen basshylardy kórip júrmin. Bul qýantarlyq ját», - dedi Serik Sapıev.
