Boksta alǵash ret nokaýt alǵan sportshy kóz jumdy
ASTANA. QazAqparat - Salvador bokshysy Fransısko Rýıs nebári 24 jasta bolatyn, dep habarlaıdy QazAqparat tilshisi BoxingScene saıtyna silteme jasap.
Osydan bir apta buryn bolǵan jekpe-jekte Rýıs óziniń jerlesi - Rıkardo Kortespen judyryqtasqan edi. Aıqas Búkilálemdik boks qaýymdastyǵy (WBA) aıasynda ótti. Segizinshi raýnda Rýıs aýyr nokaýt alyp qaldy. Qulaǵanda basyn da qatty soǵyp aldy. Ony birden jergilikti gospıtalǵa jetkizgen. Alaıda boksshy birneshe kún boıy esin jınaı almady.
Fransısko Rýıstyń týǵan-týystary ony jasandy aýa berý apparatynan aǵytýǵa kelisti.
Aıta keteıik, Rýıstiń sońǵy jekpe-jegi ol úshin alǵash ret segiz raýndqa deıin jalǵasty. Buǵan deıin tórt raýndtan úsh aıqasty ótkizip, úsheýinde de jeńiske jetken.
