Boksshylar Azıadaǵa elordada daıyndalyp jatyr- Myrzaǵalı Aıtjanov
«Biz bıylǵy jyldyń basty dodasy Azıada oıyndaryna sońǵy daıyndyqty elordada ótkizip jatyrmyz. Endi, eki kúnnen keıin, ıaǵnı 16 tamyz kúni keshke Djakartaǵa attanamyz. Qazir boksshylar naǵyz babynda. Sońǵy daıyndyǵymyzdy pysyqtap jatyrmyz. Boksshylar Azıadaǵa tolyqtaı daıyn», - dep atap ótti bas bapker.
Sonymen qatar bas bapker Astanada Belarýs komandasymen birikken oqý-jattyǵý ótkizip jatqanyn da atap ótti.
«Qazir biz Belarýs komandasymen birikken oqý-jattyǵý ótkizip jatyrmyz. Búgin sońǵy sparnık kezdesýler ótedi. Ózderińiz bilesizder bıyl Azıadada boksshylarymyz jeti salmaqta el namysyn qorǵaıdy. Mine, sol jeti boksshy búgin Belarýs boksshylarymen sharshy alańda joldastyq aıqasyn ótkizedi. Bul qurlyqaralyq eń iri doda aldyndaǵy sońǵy synaq», - dedi Aıtjanov.
Esterińizge sala keteıik, Azıada oıyndary 18 tamyz-2 qyrkúıek aralyǵynda Indonezııanyń Djakarta qalasynda ótedi.