Boksshy Jaılaýovtar kásibı mansabyn jalǵastyrý úshin demeýshi izdeıdi
ASTANA. QazAqparat - Boksshylar Roman men Daır Jaılaýovtar kásibı mansabyn jalǵastyrý úshin demeýshiler izdeıdi. Bul týraly astanalyq sportshylar menedjeri Aleksandr Kýznetsov málimdedi.
Sońǵy ret boksshylar rıngke ótken jyly jeltoqsanda shyqqan.
«Aǵaıyndy Jaılaýovtar kásipqoılar arasynda álem chempıony Vıacheslav Senchekonyń basshylyǵymen Kıevke daıyndalýda. Qazirgi sátte olar demeýshi izdeýde», - dedi A. Kýznetsov.
22 jastaǵy Roman Jaılaýov (15 jeńis, 2 jeńilis, 9 jeńisi nokaýtpen) óz kásibı mansabynda Azııa chempıony, Qazaqstan chempıony, jartylaı orta salmaqta tynyq muhıt óńiriniń chempıony boldy.
20 jastaǵy Daır Jaılaýov (1 jeńis) áýesqoı rıngte jastar arasynda Azııa chempıony boldy. Ótken jyldyń aıaǵynda jergilikti boksshyny 4 raýndtyq aıqasta jeńip, kásipqoı retinde synǵa tústi.
