Boksshy Janqosh Turarov sotta jaýap berýde
ALMATY. QazAqparat - Belgili qazaqstandyq boksshy Janqosh Turarov sot aldynda jaýap beredi, dep habarlaıdy QazAqparat tilshisi.
Sportshyǵa birneshe adammen birigip buzaqylyq jasady degen aıyp taǵylyp otyr.
«Sot kabıneti» resýrsyndaǵy aqparatqa súıensek, əkimshilik is Almaly aýdandyq sotynda qarastyrylyp jatyr.
«Іs materıaldaryna səıkes, 2018 jyldyń 25 mamyrynda keshki saǵat 19:00-der shamasynda J.Turarov men D.Mahambet «SkyBar» túngi baryna dostary Otarbaevpen jolyǵýǵa kelgen.
Túngi klýbqa kire beriste Turarov pen klýbtyń qaýipsizdik qyzmetkerleri Alqojaev pen Jarylqasynov sózge kelip qalǵan. Eki aradaǵy daý-janjal basylmaı kerisinshe údeı túsken. Kóp uzamaı jigitter klýb syrtyndaǵy aýlalardyń birine bettegen. Jarylqasynov birinshi bolyp Turarov jaqqa travmatıkalyq tapanshadan bir ret oq atady. Sonda syrttan baqylap turǵan Otarbaev «Streamer» travmatıkalyq tapanshasynan birneshe ret oq atqan. Oq atýdan soń jastar judyryqtasýǵa kóshken», - dedi Almaty qalalyq sotynyń baspasóz qyzmeti.
Qazir əkimshilik sotta QR QK 293 - babynyń 2 - bólimimen, 287 - babynyń 2 - bólimimen Alqojaev, K.Otarbaev, N.Jarylqasynov jaýap berip jatyr. Al Turarov pen Mahambetke QR QK 293 - babynyń 2 - bólimi boıynsha aıyp taǵyldy.
