Boksshy Jánibek Álimhanuly AQSh-ta jattyǵýyn bastady

NUR-SULTAN. QazAqparat – Qazaqstandyq boksshy Jánibek Álimhanuly (11-0, 7 KO) AQSh-ta rıngke oralýǵa daıyndyqty bastap ketti, dep habarlaıdy QazAqparat Sports.kz saıtyna silteme jasap.

Sportshy Kalıfornııa shtatyndaǵy Oksnardta Djeıms «Baddı» Makgrıttiń ataqty bapkeriniń zalynda jattyǵýdy bastady. Ol óziniń áleýmettik jelilerine bapkermen túsken sýretin salyp, onyń astyna «Keńsedemin» degen jazý qaldyrǵan. Sonymen qatar Jánibek jattyǵyp jatqan vıdeosyn kórsetti.

Budan buryn Dúnıejúzilik boks uıymy (WBO) Álimhanulynyń brazılııalyq Eskıva Falkaomen (29-0, 20 KO) aıqasatyny týraly málimdegen. Boksshylar orta salmaqtaǵy WBO álem chempıonynyń «ýaqytsha» tıtýly úshin jekpe-jekke shyǵady. Alaıda aıqastyń dál qashan bolatyny ázirge belgisiz.

Sýret: twitter.com/Janibek Alimkhanuly