Boksshy Jan Kosobýtskıı kásibı rıngtegi 14-shi aıqasyn ótkizdi

NUR-SULTAN.QazAqparat – Aýyr salmaqtaǵy qazaqstandyq kásipqoı boksshy Jan Kosobýtskıı polıak Kamıl Sokolovskıdi nokaýtpen jeńdi. Bul týraly QazAqparat VKontakte áleýmettik jelisindegi «Qazaqstan kásipqoı boksy» paraqshasyna silteme jasap habarlaıdy.

On raýndqa sozylǵan kezdesýde qazaqstandyq sportshynyń basymdyǵy anyq baıqaldy. Besinshi raýndta Jan qarsylasyn nokdaýnǵa túsirgen. Qazaqstandyq boksshy rıngtegi jeńisin onynshy raýndta toılady. Ol «djeb» ádisimen Kamıl Sokolovskıdi sulaptyp túsirdi.

Byltyr Jan Kosobýtskıı salmaǵy 146 kg qarsylasyn birinshi raýndta nokaýtqa jibergen bolatyn.

31 jastaǵy Arqalyq qalasynyń týmasy Jan Kosobýtskıı 2017 jyldan beri kásibı boksta óner kórsetip júr. Buǵan deıin 14 jekpe-jek ótkizip, barlyǵynda jeńiske jetti. Sonyń ishinde 13 jekpe-jekti merziminen buryn aıaqtady.