Boksshy Sanjar Táshkenbaı Azııa chempıonatynyń fınalyna shyqty

ASTANA. QazAqparat – Iordanııa astanasy Amman qalasynda bokstan ótip jatqan Azııa chempıonatynda Sanjar Táshkenbaı fınalǵa shyqty, dep habarlaıdy QazAqparat tilshisi.

Qazaqstandyqtardan birinshi bolyp rıngke jastar arasyndaǵy álem chempıony Sanjar Táshkenbaı shyqty.

Sanjar 48 kelige deıingi salmaqta úndistandyq Govınd Kýmar Sahanımen judyryqtasty.

Tartysty ótken jekpe-jekte birinshi raýndta bes tóreshiniń úsheýi Sanjar basym dep tapsa, ekinshi kezeńde qazaqstandyq boksshy tarazy basyn túgeldeı ózine aýdardy. Onyń ústine úndistandyq sportshy eskertý alyp, bir upaıy shegerildi. Qorytyndy esep – 4:0, Sanjardyń paıdasynda.

Sanjar Táshkenbaı sońǵy básekede japonııalyq boksshymen altyn júlde úshin talasady.

Búgin jartylaı fınalda taǵy 11 qazaqstandyq boksshy el namysyn qorǵaıdy.

Eske sala keteıik, budan buryn Gúlsaıa Erjannyń Azııa chempıonatynyń fınalyna joldama alǵanyn, Azııa chempıonatynda búgin erlerden 12 qazaqstandyqtyń ½ fınalda shyǵatynyn jazǵan bolatynbyz.

Sondaı-aq qazaqstandyq boksshy qyzdardyń fınaldaǵy qarsylastary anyqtaldy.