Boksshy Rımma Volosenko Olımpıada oıyndaryna irikteý týrnırinde qarsylasynan utyldy
Olımpıadaǵa irikteý týrnırinde áıelder arasynan ekinshi bolyp rıngige 60 keli salmaqta qazaqstandyq Rımma Volosenko shyqty. Ol úndistandyq Sımrandjıtkaýr Baatpen judyryqtasyp, ókinishke qaraı qarsylasyna jol berdi. Osylaısha áıelder boksynan ekinshi arýymyz jarys jolyn erte aıaqtady.
Erik Alǵabek jattyqtyratyn áıelder komandasynyń ekinshi boksshysy jolynan shyǵyp qaldy. Buǵan deıin taǵy bir boksshymyzdyń alǵashqy jekpe-jeginde qarsylasyna jol bergeni týraly jazǵan bolatynbyz.
Erteń, ıaǵnı 5 naýryzda erler arasyndaǵy jekpe-jekter bastalady. Erler arasynan alǵashqy bolyp Zakır Safıýllın (63 keli) Irak jáne Qytaı boksshylar arasyndaǵy jekpe-jektiń jeńimpazymen judyryqtasady. Odan keıin Ábilhan Amanqul (75 keli) koreıalyq jáne tájikstandyq sportshylar arasyndaǵy jekpe-jektiń jeńimpazymen qolǵap túıistiredi. Al Bekzat Nurdáýletov (81 keli) Jańa Zelandııa-Japonııa boksshylary arasyndaǵy jekpe-jektiń jeńimpazymen kezdesedi.
Foto/prosports.kz