Boksshy Nazym Işanova dopıngke baılanysty 2 jylǵa jarystan shettetildi

ASTANA. QazAqparat - Bokstan álem chempıonatynyń eki dúrkin qola júldegeri, Qazaqstan quramasynyń múshesi Nazym Işanova dopıngke qarsy erejelerdi buzýyna baılanysty eki jylǵa jarystan shettetildi. QazAqparat tilshisine bul aqparatty QR Mádenıet jáne sport mınıstrligi dene shynyqtyrý jáne sport komıteti rastady.

Habarlanyp otyrǵandaı, sportshynyń denesinen fýrosemıd izi tabylyp otyr. Tyıym salynǵan zattek halyqaralyq jarystardyń birine qatysar aldynda sportshy tapsyrǵan testiden tabylǵan. Fýrosemıd tikeleı dopıng bolyp eseptelmese de, ol deneden aýyr zattardy shyǵarý úshin qoldanylady.

Nazym Işanova 2013 jáne 2015 jylǵy jastar arasynda ótken álem chempıonatynyń qola júldesin jeńip alǵan. Atalǵan jaıǵa baılanysty sportshy eki jylǵa jazalanyp otyr. ıAǵnı, ol 2020 jyldyń 25 qarashasyna deıin atalǵan chempıonattarda el namysyn qorǵaı almaıdy.

Foto: prosports.kz