Boksshy Meıvezer 200 mln dollar tabysynan salyq tólemedi dep aıyptaldy
ASTANA. QazAqparat - AQSh Salyq basqarmasy amerıkalyq boksshy kishi-Floıd Meıvezerdi 2015 jyly 22,2 mln dollar salyq tólemedi dep aıyptap otyr, dep habarlaıdy QazAqparat «AR»-ǵa silteme jasap.
Sol jyly boksshy óziniń sporttyq mansabyndaǵy eń iri jekpe-jegin ótkizgen bolatyn. Ol fılıppındik Mennı Pakıaomen kezdesip, jeńiske jetken edi. BAQ málimetinshe, amerıkalyq boksshy bul aıqasy úshin 200 mln dollar alǵan.
Kishi-Meıvezerdiń ózi 2015 jyly 26 mln dollar salyq tólegendigin aıtyp otyr jáne qandaı da bir qaıshylyqtar bolǵan jaǵdaıda oǵan erterek habarlanar edi degen senimde.
