Boksshy Mahmud Sabyrhanǵa 2 bólmeli páterdiń kilti tabystaldy

ShYMKENT. QazAqparat - Bokstan álem chempıony atanǵan Mahmud Sabyrhanǵa Shymkentten 2 bólmeli páter berildi, dep habarlaıdy QazAqparat tilshisi.

Shymkent qalasynyń ákimi Murat Áıtenov bokstan álem chempıonatynyń jeńimpazy Mahmud Sabyrhan men onyń jeke jattyqtyrýshysy Ilııas Oralbekovty qabyldady.

Tashkentte ótken dúbirli dodada Ulttyq qurama sportshylary 4 altyn, 1 kúmis medal alǵan bolatyn. 54 kelige deıingi salmaq dárejesinde synǵa túsken shymkenttik boksshy M.Sabyrhan qurama qorjynyna ekinshi «altyndy» saldy. Kýba, Gana, Úndistan men Majarstan sportshylaryn aıqyn basymdylyqpen jeńse, aqtyq básekede ózbekstandyq Aıbek Djýraevty eki márte nokdaýnǵa jiberdi.

Murat Áıtenov sportshy men onyń jeke jattyqtyrýshysyn quttyqtap, aldaǵy Azııa jáne Olımpıada oıyndarynda sáttilik tiledi. Sondaı-aq M.Sabyrhanǵa 2 bólmeli páter kilti, bapkerine 5 mln teńgeniń sertıfıkatyn tabys etildi.