Boksshy Madııar Januzaqtyń kezekti qarsylasy belgili boldy

ASTANA. QazAqparat - IBF jáne B&R tıtýldarynyń ıegeri, asa jeńil salmaqtaǵy qazaqstandyq boksshy Madııar Januzaq kezekti jekpe-jegin 8 shilde kúni ótkizetin boldy, dp habarlaıdy  «SPORTINFORM» CAA.

Madııar Januzaq ústimizdegi jyldaǵy kezekti aıqasyn shilde aıynda Reseıdiń Ekaterınbýrg qalasynda ótkizedi. Boksshymyz fılıppındik Alfoı Dagaıloanmen judyryqtasatyn bolady.

26 jastaǵy Dagoıloan kásibı boksta 16 jekpe-jek ótkizgen. Fılıppındik boksshynyń statıstıkasyna súıensek, 9 ret jeńimpaz atanyp, 2 ret jeńiliske ushyraǵan, 5 ret teń túsken.

Januzaqtyń osy kezdesýde jeńgen jaǵdada álemniń úzdik 100 boksshylarynyń qataryna ene alady.

Eske sala keteıik, osy jyldyń aqpan aıynda Madııar Januzaq basqa fılıppındik Djon Mark Alımandy jeńgen bolatyn. Makaoda ótken jekpe-jek nátıjesinde jerlesimiz IBF-tiń B&R Region beldigin ıemdengen.