Boksshy M.Volnova halyqaralyq týrnırdiń jeńimpazy atandy
ASTANA. 19 tamyz. QazAqparat - Taıpeı qalasynyń ІІІ kýbogy bokstan halyqaralyq týrnırinde Qazaqstan boksshysy Marına Volnova jeńimpaz atandy.
Bul aqparaty QR Boks federatsııasynyń baspasóz qyzmeti taratyp otyr.
Baıraqty básekede Marına sharshy alańǵa úsh márte kóterilip, barlyq kezdesýinde de qarsylastarynan basym tústi. Al taǵy bir boksshymyz Gúljaına Úbinııazova jartylaı fınalda qarsylasyna 1:2 esebimen utylyp, qola medaldi qanaǵat tutty.
Ókinishke oraı 48 keli salmaq sanatynda judyryqtasqan Dına Elýbaeva men 51 kelide sharshy alańǵa kóterilgen Aqerke Qusaıynovalardyń bul básekede joldary bolmady.
15-18 tamyz kúnderi aralyǵynda ótken Taıpeı qalasynyń kýbogy halyqaralyq týrnırine álemniń 16 elinen 41 sportshy qatysty.
