Boksshy Lázzat Kúngeıbaeva álem chempıonatynyń kúmis júldegeri boldy

ASTANA. QazAqparat – Úndistannyń Nıý-Delı qalasynda bokstan áıelder arasynda álem chempıonaty aıaqtaldy, dep habarlaıdy QazAqparat tilshisi.

Rıngke eń sońǵy jup bolyp asa aýyr salmaqta qazaqstandyq Lázzat Kúngeıbaeva men marokkolyq Mardı Hadıdja shyqty.

Lázzat 2016 jyly Astanada ótken álem birinshiliginde chempıon atansa, qarsylasy da – keıin dúnıejúzilik dodada kúmis pen qola alǵan tájirıbeli sportshy.

Alǵashqy eki raýndta tóreshiler marokkolyq boksshy basym dep tapty. Úshinshi kezeńde de eshteńe ózgergen joq. Esep – 4:1, jeńis M.Hadıdjanyń enshisinde ketti.

Osylaısha, Qazaqstan quramasy álem chempıonatyn 2 kúmis, 4 qola medalmen qorytyndylady.

Buǵan deıin Karına Ibragımova kúmis alsa, Alýa Balqybekova, Nadejda Rıabets, Valentına Halzova jáne Farıza Sholtaı qola júldeger atandy.

Eske sala keteıik, budan buryn bokstan álem chempıonatynda Lázzat Kúngeıbaevanyń fınalǵa joldama alǵanyn jazǵan bolatynbyz.

Sondaı-aq Karına Ibragımova bokstan álem chempıonatynyń kúmis júldegeri atandy.

Lázzat Kúngeıbaevanyń altyn úshin rıngke shyǵatyny habarlandy.