Boksshy qyzdarymyz álem chempıonatynda kimdermen judyryqtasady
QR Boks federatsııasynyń baspasóz qyzmeti málim etkendeı, búgin jáne erteń Nıý-Delıde jalaýyn kótergen bokstan áıelder arasyndaǵy álem chempıonatynyń jartylaı fınal kezdesýleri ótedi. 62 memleketten kelgen 270 sportshynyń ishinen iriktelip shyqqan myqtylar teketiresiniń tartysty bolary sózsiz.
Alǵashqy kúni Karına Ibragımova (60 kg) rıngke kóteriledi. Onyń qarsylasy Irland eliniń ókili Kellı Harrıngton 2016 jylǵy álem chempıonatynyń kúmis júldegeri.
Aıta keteıik, Karına Ibragımova shırek fınalda 2016 jyldyń álem chempıony Venlıý ıAngty 5:0 esebimen jeńgen bolatyn. Karına Ibragımova Aqmola oblysynyń sportshysy. 2015 jylǵy el birinshiliginiń kúmis júldegeri. Sport sheberinen úmitker.
Ar erteń, ıaǵnı, 23 qarasha kúni Jaına Shekerbekova (51 kg) Tsýkımı Namıkıge (Japonııa) qarsy óner kórsetedi. Jaına Shekerbekova 2010 jylǵy Azııa chempıony, 2013-2014 jyldary qatarynan QR chempıonattarynyń jeńimpazy ataǵan, 2016 jylǵy álem birinshiliginde qola júldege qol jetkizgen, birneshe márte halyqaralyq dárejedegi týrnırlerde altynan alqa taǵynǵan óte tájirıbeli sportshy. Halyqaralyq dárejedegi sport sheberi.