Boksshy Qanat Islam otbasymen daýys berýge bardy
ASTANA. QazAqparat -Tanymal bylǵary qolǵap sheberi, qazaqtyń maqtanyshy Qanat Islam Almatyda Qazaqstan Prezıdenti saılaýyna daýys berýge qatysyp, óz tańdaýyn jasady.
Bul týraly ol óziniń Facebook-tegi jeke paraqshasynda «Otbasymmen birge saılaýǵa qatysyp, el taǵdyry úshin tańdaý jasadym», - dep jazady.
Aıta keteıik, búgin tańǵy saǵat 07-00-de elimizdiń barlyq óńirinde kezekten tys Prezıdent saılaýynyń daýys berý ýchaskeleri ashyldy. Jalpy 9 741 saılaý ýchaskesi tolyqqandy jumys istep jatyr.
Daýys berý jergilikti ýaqyt boıynsha tańǵy 7-00-den 20-00-ge deıin ótedi. QR Prezıdenti saılaýynyń aldyn ala qorytyndysy 27 sáýirde jarııalanady. Daýys berý aıaqtalǵannan keıin ýchaskelik saılaý komıssııalary 12 saǵattyń ishinde daýystardy sanaýǵa mindetti.
