Boksshy Q. Qońqabaev Bolgarııadaǵy halyqaralyq týrnırdiń jeńimpazy atandy (FOTO)
ASTANA. QazAqparat - Bolgarııa astanasy - Sofııada «Strandja» halyqaralyq týrnıri máresine jetti. Oǵan qazaqstandyq boksshylar da qatysty, dep habarlaıdy Qazaqstan boks federatsııasynyń baspasóz qyzmeti.
Fınalǵa 56 kelige deıingi salmaq sanatyndaǵy Janbolat Tilegenuly men Qamshybek Qońqabaev (91 keliden joǵary) shyqty. J. Tilegenuly ózbekstandyq qarsylasyna sheshýshi aıqasta ese jiberip, «kúmisti» qanaǵat tutty. Basqa ózbekstandyq boksshymen jekpe-jekke shyqqan Qońqabev jerlesimizdiń qarymtasyn qaıtardy. Ol qarsylasyn birinshi raýnda-aq nokaýtqa jiberdi. Osylaısha, Qamshybek týrnır chempıony atandy, dep habarlady Qazaqstandyq boks federatsııasynan.
Qola nagradalardy ıelengender: Jaqsylyq Іlııasov (60 keli), Rýstam Svaev (75 keli), jáne Nurbol Altaev (81 keli).
Jalpy alǵanda, qazaqstandyqtar bir altyn, bir kúmis, úsh qola medaldi jeńip aldy.
Týrnır 65-shi ret ótýde. Oǵan Reseı, Ýkraına, Ózbekstan, Ulybrıtanııa, Germanııa, Brazılııa, Qytaı, Ekvador jáne basqa da elderden úzdik boksshylar qatysty. Jarys Sofııadaǵy «Arena Armeets» sport kesheninde ótti.
