Boksshy Ivan Dychko brıtandyq promoýtermen kelisimge qol qoıdy

NUR-SULTAN. QazAqparat - Probellum brıtandyq promoýterlik kompanııasy óz saıtynda jeńilip kórmegen qazaqstandyq asa aýyr salmaqtaǵy boksshy Ivan Dychkomen seriktestik bastaǵanyn málim etti, dep habarlaıdy QazAqparat Sports.kz saıtyna silteme jasap.

Kompanııa qazaqstandyq sportshyǵa kómektesedi.

«Qazaqstandyq Ivan Dychko (11-0, 11-i nokaýtpen) 2017 jyly kásibı debıýt jasaǵannan keıin jurtshylyqtyń nazaryn keremet oıynymen ózine aýdaryp keledi. Sońǵy ret ol 2021 jyldyń jeltoqsanynda reseılik Aleksandr Ýstınovındi jeńdi. Onyń qazirgi dene turpaty Dychkonyń áýesqoı mansabyn tamashalaǵan adamdarǵa tańǵalarlyq dúnıe emes. Ol 2012 jáne 2016 jyldary Olımpıada oıyndarynda qola medal jeńip aldy. Sondaı-aq sportta keıinnen tanymal bolǵan Entonı Djoshýa, Djo Djoısa jáne Probellum-men taıaýda kelisim jasaǵan Bahodır Djalolov sekildi birqatar sportshymen judyryqtasty», — dedi kompanııadan.

Ivan Dychko sońǵy ret 18 jeltoqsanda Nur-Sultanda ótken jekpe-jeginde reseılik ardager Aleksandr Ýstınovti (36-6-1, 27 KO) birinshi raýndta tehnıkalyq nokaýtpen jeńgen edi.

Qazaqstan boksshynyń rıngke qashan oralatyny ázirge belgisiz. Ivan Dychko Probellum brıtandyq promoýterlik kompanııasymen kelisimge qol qoıǵannan keıin kompanııaǵa alǵysyn aıtty.

«Men Bulldog Boxing jáne Probellum-men jumys jasap jatqanym úshin qýanyshtymyn. Olar meniń álem chempıony atanýyma kómektesenetinine 100% senimdimin. Olardyń maǵan artqan senimine rahmet aıtamyn jáne birge tarıhqa kiremiz», - dedi Ivan Dychko.

Sondaı-aq kompanııa prezıdenti Rıchard Sheıfer bylaı dedi: «Biz bolashaǵy jarqyn, talantty boksshy Ivan Dychkomen kelisim jasasqanymyzǵa óte qýanyshtymyz».